Ode til gleda - Beethovens 9. symfoni

Bli med på ein fantastisk musikalsk reise når Beethovens mest monumentale verk kjem til Sykkylven! Med heile 150 aktørar på scena, er dette eit arrangement du ikkje vil gå glipp av!

Beethoven si skjebne seint i livet var tøff. Å miste høyrselen for ein komponist er som å miste synet for ein billedkunstnar. Då han fullførte sin niande og siste symfoni, var han praktisk talt heilt døv. Likevel — eller kanskje nettopp på grunn av dette — skapte han eit verk av enorm kraft og skjønnheit som framleis set verda i ærefrykt, over 200 år seinare.

Den niande symfonien er eit monument i musikkhistoria, med fire satsar som går frå mørke og kamp til eit eksplosivt klimaks i den fjerde satsen med «Ode til Gleda» 🌟. Dette er Friedrich Schillers hyllest til fellesskap, fridom og menneskeleg verdigheit, uttrykt gjennom musikk av ein kunstnar i dyp krise, som kun fekk høyre sitt kanskje største meisterverk inni seg. I følge historia måtte han snu seg for å sjekke om publikum applauderte under urframføringa i 1824.

Den 27. august vert Fjord Cadenza solistane Jacquelyn Wagner, Marianne Beate Kielland, Markus Bjørlykke og Magne Fremmerlid med i oppsetjinga! Orkesteret består av Ensemble Allegria, Sjøforsvarets musikkorps samt koret frå Ålesund vidaregåande skule sitt musikklinjekor og Ålesund kammerkor.

Her får du oppleve eit stykke musikkhistorie som krev alt av utøvarane, og som framleis resonerer med same kraft i dag som i 1824! 🎻✨